ਆਮੋਸ ਬਾਈਬਲ ਦਾ ਪਹਿਲਾ ਅਜਿਹਾ ਨਬੀ ਦੀ ਜਿਸ ਦਾ ਸੰਦੇਸ ਵਿਸਤਾਰ ਨਾਲ ਲਿਖਿਆ ਗਿਆ ਸੀ । ਭਾਵੇਂ ਉਹ ਯਹੂਦਾਹ ਦੇ ਇੱਕ ਨਗਰ ਦਾ ਵਾਸੀ ਸੀ, ਫਿਰ ਵੀ ਉਸ ਨੇ ਇਸਰਾਏਲ ਦੇ ਉੱਤਰੀ ਰਾਜ ਦੇ ਲੋਕਾਂ ਵਿੱਚ ਪ੍ਰਚਾਰ-ਕਾਰਜ ਕੀਤਾ । ਉਸ ਦਾ ਕਾਰਜਕਾਲ ਲਗਭਗ ਈ.ਪੂ. ਅੱਠਵੀਂ ਸਦੀ ਦੇ ਵਿਚਕਾਰ ਦਾ ਸੀ । ਇਹ ਸਮਾਂ ਵੱਡੀ ਖੁਸ਼ਹਾਲੀ ਦਾ, ਵਰਣਨ ਕੀਤੇ ਜਾਣ ਯੋਗ ਧਰਮ ਦੇ ਫੈਲਾਓ ਦਾ ਅਤੇ ਬਾਹਰੀ ਸੁਰੱਖਿਆ ਦਾ ਸੀ । ਪਰ ਆਮੋਸ ਨੇ ਇਹ ਵੇਖਿਆ ਕਿ ਖੁਸ਼ਹਾਲੀ ਸਿਰਫ਼ ਧਨਵਾਨ ਲੋਕਾਂ ਤੱਕ ਹੀ ਸੀਮਤ ਸੀ, ਅਤੇ ਇਸ ਦਾ ਪੋਸ਼ਣ ਅਨਿਆਂ ਅਤੇ ਗਰੀਬਾਂ ਉੱਤੇ ਜ਼ੁਲਮ ਕਰਨ ਨਾਲ ਹੀ ਹੁੰਦਾ ਸੀ । ਧਾਰਮਿਕ ਰੀਤਾਂ, ਬਿਧੀਆਂ ਸਿਰਫ਼ ਪਖੰਡ ਹੀ ਸਨ ਅਤੇ ਸੁਰੱਖਿਆ ਸਿਰਫ਼ ਦਿਖਾਵਾ ਵੀ, ਸੱਚ ਨਹੀਂ । ਬਹੁਤ ਹੀ ਬੇਚੈਨੀ ਅਤੇ ਹੌਂਸਲੇ ਨਾਲ ਉਸ ਨੇ ਇਹ ਪ੍ਰਚਾਰ ਕੀਤਾ ਕਿ ਪਰਮੇਸ਼ੁਰ ਇਸਰਾਏਲੀ ਕੌਮ ਨੂੰ ਸਜ਼ਾ ਦੇਵੇਗਾ । ਉਸ ਨੇ ਇਸ ਗੱਲ ਲਈ ਬੁਲਾਹਟ ਦਿੱਤੀ ਕਿ ਨਿਆਂ ਨੂੰ “ਨਦੀ ਦੀ ਤਰ੍ਹਾਂ ਵਗਣ ਦਿਓ,” ਅਤੇ ਆਖਿਆ, “ਕੀ ਜਾਣੀਏ ਸੈਨਾਂ ਦਾ ਪਰਮੇਸ਼ੁਰ ਯਹੋਵਾਹ ਯੂਸੁਫ਼ ਦੇ ਬਚੇ ਹੋਇਆਂ ਉੱਤੇ ਮਿਹਰ ਕਰੇ ।” (5:15)