93
Nhanderuete ipo'akaa ha'e yvatea re ijayvua
1 Senhor ma huvixave oĩ.
Hexe oĩ yvatea,
Ku'axã rami Senhor ojee omoĩ opo'akaa.
Omoĩ atã yvy omyĩ e'ỹ aguã rami.
2 Jypy'i guive repenaa oĩ atã,
jypy'i ete guive reiko.
3 Senhor, yakã ikuai va'e opu'ã okuapy,
yakã opu'ã vy hevovo,
yakã hyapu rei teĩ.
4 Ha'e rã Senhor yvate oĩ va'e ma
yy tuvixa va'e revovo gui ipo'akapave,
ye'ẽ py yai vaikue opu'ã-pu'ã va'e po'akaa gui voi.
5 Ndeayvuague ma oaxa rive va'erã e'ỹ.
Senhor, nderopy ma iky'a e'ỹ va'e anho 'rã oĩ
raka'e rã peve guarã.